ຈີໂອເທັກ ອິນເຕີເນຊັນນໍ ແລະ ບັນດາບໍລິສັດທີ່ກ່ຽວຂ້ອງໄດ້ຈັດຕັ້ງຄວາມອາດສາມາດເປັນເວລາຫຼາຍກວ່າ 15 ປີ ກັບລູກຄ້າສາກົນທີ່ມີຄຸນະພາບໃນຂົງເຂດວຽກງານຂ້າງລຸ່ມນີ້ພາຍໃນຂົງເຂດດຳເນີນທຸລະກິດໃນແຫຼມອິນດູຈີນ ແລະ ອາຊີຕາເວັນອອກສ່ຽງໃຕ້:
- ການສຶກສາຄວາມເປັນໄປໄດ້ຂອງເຂື່ອນໄຟຟ້ານຳ້ຕົກ; ແລະ ການໃຫ້ບໍລິການໃນການຂຽນບົດລາຍງານຄວາມເປັນໄປໄດ້ຂອງໂຄງການ
- ວິສະວະກຳທໍລະນີເຕັກນິກ
- ການຄຸ້ມຄອງໂຄງການທໍລະນີເຕັກນິກ - ການເຈາະ ແລະ ເກັບຕົວຢ່າງທາງທໍລະນີເຕັກນິກ
- ການຕິດຕັ້ງເຄື່ອງມືທໍລະນີເຕັກນິກ ແລະ ໂຄງສ້າງ ແລະ ການຕິດຕາມກວດກາ
- ການວິເຄາະ ແລະ ອອກແບບເຂື່ອນດີນ
- ການກວດກາຄວາມປອດໄພຂອງເຂື່ອນ ແລະ ການອອກແບບການສ້ອມແປງອ່າງເກັບນຳ້ທີ່ບໍ່ປອດໄພ
- ການສຶກສານຳ້ໃຕ້ດີນ ແລະ ນຳ້ໜ້າດີນໃຫ້ແກ່ໂຄງການໄຟຟ້ານຳ້ຕົກ
- ການທົດລອງພາກສະໜາມທາງທໍລະນີເຕັກນິກ ແລະ ທໍລະນີຟີຊິກ
- ການຕິດຕາມກວດກາການກໍ່ສ້າງດ້ວຍການທົດລອງຄວບຄຸມຄຸນະພາບ ແລະ ຢັ້ງຢືນຄຸນະພາບ (QC ແລະ QA) ແລະ ການກວດສອບ
- ການປະເມີນ ແລະ ກວດສອບຫ້ອງທົດລອງດີນ
ການຕະຫຼາດ, ການຂາຍ ແລະ ການບໍລິການກ່ຽວກັບອຸຸປະກອນ ໂຄງການທໍລະນີເຕັກນິກ ແລະ ເຂື່ອນໄຟຟ້ານຳ້ຕົກດ້ວຍເຕັກໂນໂລຢີຂັ້ນສູງ
| Alternate Energy Project Component ອົງປະກອບຂອງໂຄງການພະລັງງານທົດແທນ |
Specialized Experience and Capabilities ປະສົບການ ແລະ ຄວາມອາດສາມາດທີ່ຊ່ຽວຊານ |
| ການສຶກສາຄວາມເປັນໄປໄດ້ | ການອອກແບບ ແລະ ການລາຍງານລະດັບຄວາມເປັນໄປໄດ້: ການສຶກສາກ່ຽວກັບອຸທົກກະສາດ ແລະ ອຸຕຸນິຍົມ; ການສຶກສາກ່ຽວກັບນຳ້; ຄວາມພ້ອມຂອງວັດສະດຸກໍ່ສ້າງທີ່ມີການວັດແທກ ແລະ ປະເມີນປະລິມານ ແລະ ຄຸນະພາບ; ຄວາມຕ້ອງການເຄື່ອງຈັກປຳ້ນຳ້, ການວິເຄາະມູນຄ່າ, ການປະມານລາຄາກໍ່ສ້າງ; ການປະກອບເອກະສານເສດຖະກິດ; ການນຳສະເໜີຕໍ່ຜູ້ໃຫ້ການກູ້ຢືມ ແລະ ຜູ້ອະນຸມັດ |
| ການສະຫຼວດພື້ນທີ່ | ການອອກແບບ ແລະ ພຶດຕິກຳຂອງແຜນການເຈາະ ແລະ ເກັບຕົວຢ່າງ: ການເກັບຕົວຢ່າງຈາກຮູເຈາະ ແລະ ການທົດສອບ; ການທົດສອບໃນຫ້ອງທົດລອງ; ການຄວບຄຸມຄຸນະພາບ (QC) ແລະ ການຢັ້ງຢືນຄຸນະພາບ (QA) ຂອງທຸກໜ້າວຽກ |
| ການທົດສອບພາກສະໜາມ ແລະ ການນຳໃຊ້ເຄື່ອງມື | ທຸກຮູບແບບຂອງການທົດສອບໃນພາກສະໜາມ: ການທົດສອບຫາອັດຕາການຊືມດ້ວຍວິທີລູຈົງ; ປີໂຊຄອນ, ຟີ່ວເວນເຊຍ, ການໃຊ້ເຄື່ອງມື ແລະ ການວັດແທກໃນພາກສະໜາມເພື່ອສຶກສາເບິ່ງສະພາບພື້ນດີນ; ການຄວບຄຸມຄຸນະພາບ ແລະ ການຢັ້ງຢືນຄຸນະພາບຕາມການຕິດຕາມກວດກາ ແລະ ການລາຍງານຂອງທຸກໜ້າວຽກ |
| ການສຶກສາກ່ຽວກັບອຸທົກກະສາດ-ທໍລະນີສາດ | ການພັດທະນາຖານຂໍ້ມູນທາງອຸທົກກະສາດ-ທໍລະນີສາດ, ການຈຳລອງນຳ້ໃຕ້ດີນໃນຮູບແບບ 2 ມິຕິ ແລະ 3 ມິຕິ, ການພິສູດການຈຳລອງ, ແລະ ການນຳໃຊ້ການຈຳລອງເຂົ້າໃນການລະບາຍນຳ້ເພື່ອການກໍ່ສ້າງ ແລະ ການປ່ຽນທິດທາງເດີນຂອງແມ່ນຳ້; ການຈັດການພາກສະໜາມກ່ຽວກັບການເກັບກຳຂໍ້ມູນທາງອຸທົກກະສາດ-ທໍລະນີສາດ ແລະ ການທົດສອບ; ການພັດທະນາຖານຂໍ້ມູນທາງອຸທົກກະສາດ-ທໍລະນີສາດ; ການວິເຄາະ ແລະ ການທົດສອບທາງຄະນິດສາດເພື່ອການລະບາຍນຳ້, ການສ້າງຄວາມສະຖຽນລະພາບຂອງໜ້າສະລົບ ແລະ ການປ້ອງກັນນຳ້ໜ້າດີນ |
| ການອອກແບບໂຄງການ | ວຽກໃນລະດັບການອອກແບບການສຶກສາຄວາມເປັນໄປໄດ້, ຂັ້ນຕົ້ນ, ຂັ້ນລະອຽດ ແລະ ຂັ້ນກໍ່ສ້າງ: ເຂື່ອນ ແລະ ອ່າງໂຕ່ງ; ອຸທົກກະສາດ ແລະ ນຳ້; ການພັດພາຂອງນຳ້; ອຸໂມງ ແລະ ປະຕູນຳ້; ໂຮງງານໄຟຟ້າ; ເຄື່ອງຈັກປຳ້ນຳ້ ແລະ ເຄື່ອງຈັກຜະລິດໄຟ; ເດີ່ນສະຫຼັບໄຟຟ້າ; ສາຍໄຟແຮງສູງ |
| ການຕິດຕາມກວດກາພຶດຕິກຳຂອງເຂື່ອນ | ການອອກແບບລະບົບເຄື່ອງມື, ການຈັດຫາ ແລະ ການຕິດຕັ້ງ; ການເກັບຂໍ້ມູນ ແລະ ການສົ່ງຂໍ້ມູນ; ລະບົບການວິເຄາະຂໍ້ມູນ; ການປະເມີນຄ່າການວັດແທກທີ່ປອດໄພ ແລະ ບໍ່ປອດໄພ; ລະບົບປຸກເຕືອນ |
| ການບໍລິຫານ ແລະ ການຄວບຄຸມການກໍ່ສ້າງ | ການຕິດຕາມກວດກາ ແລະ ການຈັດການພຶດຕິກຳຂອງຜູ້ຮັບເໝົາ; ການທົດສອບວັດສະດຸກໍ່ສ້າງທັງໃນພາກສະໜາມ ແລະ ໃນຫ້ອງທົດລອງເພື່ອຄວບຄຸມຄຸນະພາບ (QC); ການຈັດການ ແລະ ການລາຍງານກ່ຽວກັບການຢັ້ງຢືນຄຸນະພາບ (QA). |
| ການຕິດຕາມກວດກາຄວາມປອດໄພຂອງເຂື່ອນ ແລະ ການກໍ່ສ້າງສ້ອມແປງ | ນັກກວດກາຄວາມປອດໄພຂອງເຂື່ອນທີ່ມີວຸດທິ ແລະ ຜ່ານການຝຶກອົບຮົມລະດັບສາກົນ ແລະ ການກວດກາ; ການວິເຄາະຄວາມສ່ຽງ; ການອອກແບບສ້ອມແປງເພື່ອປັບປຸງພຶດຕິກຳຂອງໂຄງສ້າງທີ່ບໍ່ປອດໄພ; ການກະກຽມແຜນການປະຕິບັດເວລາສຸກເສີນ; ການສຳຫຼວດແບບພັບ ແລະ ການໂຕ້ຕອບເວລາສຸກເສີນ; ການຝຶກອົບຮົມ ແລະ ການຈຳລອງ. |
| Market Segment ຂອບເຂດຂອງຕະຫຼາດ |
Specialized Experience ປະສົບການທີ່ຊ່ຽວຊານ |
Typical Clients ລູກຄ້າປະຈຳ |
| ວິສະວະກຳທໍລະນີເຕັກນິກ, ການອອກແບບຮາກຖານ ແລະ ການສຳຫຼວດດີນ | ການອອກແບບ ແລະ ການບໍລິຫານໂຄງການເຈາະ ແລະ ເກັບຕົວຢ່າງທາງທໍລະນີເຕັກນິກ; ການຄວບຄຸມຄຸນະພາບ (QC) ແລະ ການຢັ້ງຢືນຄຸນະພາບ (QA) ຂອງການກໍ່ສ້າງ; ການຕິດຕັ້ງເຄື່ອງມື ແລະ ການຕິດຕາມກວດກາພຶດຕິກຳຂອງໂຄງສ້າງວຽກໂຍທາ ແລະ ວຽກການຖົມດີນຕ່າງໆ | ບັນດາໂຄງການພັດທະນາເອກະຊົນ, ບັນດາເຈົ້າຂອງທຸລະກິດສ່ວນຕົວ ແລະ ອົງກອນທີ່ປຶກສາ; ບັນດາໂຄງການ ODA; ບັນດາກະຊວງ ແລະ ພະແນກການຂອງລັດຖະບານ; ບັນດາອົງການຊ່ວຍເຫຼືອຂອງສາກົນ; ບັນດາອົງການໃຫ້ການກູ້ຢືມ ຫຼາຍຊາດ |
| ການທົດສອບພາກສະໜາມ | ປີໂຊໂຊນ; ຟີ່ວເວນເຊຍ, ການທົດສອບຫາອັດຕາການຊືມດ້ວຍວິທີລູຈົງ, ການທົດລອງເພື່ອການຄວບຄຸມຄຸນະພາບ (QC) ແລະ ການຢັ້ງຢືນຄຸນະພາບ (QA) | ບັນດານັກພັດທະນາເອກະຊົນ, ບັນດາເຈົ້າຂອງທຸລະກິດສ່ວນຕົວ ແລະ ອົງກອນທີ່ປຶກສາ; ບັນດາໂຄງການ ODA |
| ອຸທົກກະສາດ-ທໍລະນີສາດສຳລັບອຸດສະຫະກຳໄຟຟ້ານຳ້ຕົກ ແລະ ການຂຸດຄົ້ນບໍ່ແຮ່ | ການພັດທະນາຖານຂໍ້ມູນທາງອຸທົກກະສາດ-ທໍລະນີສາດ, ການຈຳລອງນຳ້ໃຕ້ດີນໃນຮູບແບບ 2 ມິຕິ ແລະ 3 ມິຕິ, ການພິສູດການຈຳລອງ, ແລະ ການນຳໃຊ້ການຈຳລອງເຂົ້າໃນການລະບາຍນຳ້ເພື່ອການຂຸດຄົ້ນບໍ່ແຮ່ ແລະ ການສ້າງຄວາມສະຖຽນລະພາບຂອງຝາບໍ່; ການຈັດການພາກສະໜາມກ່ຽວກັບການເກັບກຳຂໍ້ມູນທາງອຸທົກກະສາດ-ທໍລະນີສາດ ແລະ ການທົດສອບ; ການພັດທະນາຖານຂໍ້ມູນທາງອຸທົກກະສາດ-ທໍລະນີສາດ; ການວິເຄາະ ແລະ ການທົດສອບທາງຄະນິດສາດເພື່ອການລະບາຍນຳ້, ການສ້າງຄວາມສະຖຽນລະພາບຂອງໜ້າຄ້ອຍ ແລະ ການປ້ອງກັນນຳ້ໜ້າດີນ | ບັນດາໂຄງການຂຸດຄົ້ນບໍ່ແຮ່ພາຍໃນ ແລະ ສາກົນ; ບັນດາໂຄງການໄຟຟ້ານຳ້ຕົກສາກົນ ແລະ ພາຍໃນ |
| ການອອກແບບເຂື່ອນດີນ ແລະ ເຂື່ອນຄອນກຣີດເສີມເຫຼັກ | ການສຳຫຼວດພື້ນທີ່; ການສຳຫຼວດວັດສະດຸ ແລະ ການຈັດການຊັບພະຍາກອນ; ການອອກແບບຮາກຖານ; ການອອກແບບດີນຖົມ; ການອອກເອກະສານສັນຍາກໍ່ສ້າງ; ການຈັດການການກໍ່ສ້າງໃນໜ້າທີ່ເປັນຜູ້ຄວບຄຸມຄຸນະພາບ (QC) ແລະ ຢັ້ງຢືນຄຸນະພາບ (QA) | ບັນດາເຈົ້າຂອງທຸລະກິດເອກະຊົນ; ບັນດາອົງການລັດຖະບານ; ບັນດາອົງການໃຫ້ທຶນລະຫວ່າງສອງປະເທດ; ບັນດາອົງການໃຫ້ເງິນທຶນຫຼາຍຊາດ |
| ການບໍລິຫານຈັດການ ແລະ ການຕິດຕາມກວດກາການກໍ່ສ້າງ | ການຕິດຕາມກວດກາພຶດຕິກຳ ແລະ ການຄຸ້ມຄອງຜູ້ຮັບເໝົາ; ການທົດສອບເພື່ອການຄວບຄຸມຄຸນະພາບ (QC) ແລະ ການຢັ້ງຢືນຄຸນະພາບ (QA) ຂອງການກໍ່ສ້າງ ແລະ ການລາຍງານ | ບັນດານັກພັດທະນາເອກະຊົນ, ບັນດາເຈົ້າຂອງທຸລະກິດສ່ວນຕົວ ແລະ ບັນດາອົງກອນທີ່ປຶກສາ |
| ການຕິດຕາມກວດກາຄວາມປອດໄພຂອງເຂື່ອນ ແລະ ການກໍ່ສ້າງສ້ອມແປງ | ນັກກວດກາຄວາມປອດໄພຂອງເຂື່ອນທີ່ມີວຸດທິ ແລະ ຜ່ານການຝຶກອົບຮົມລະດັບສາກົນ ແລະ ການກວດກາ; ການວິເຄາະຄວາມສ່ຽງ; ການອອກແບບສ້ອມແປງເພື່ອປັບປຸງພຶດຕິກຳຂອງໂຄງສ້າງທີ່ບໍ່ປອດໄພ; ການສ້າງຄູ່ມືຄວາມປອດໄພຂອງເຂື່ອນ ແລະ ການສ້າງແຜນການປະຕິບັດເວລາສຸກເສີນ | ບັນດາໂຄງການຂຸດຄົ້ນບໍ່ແຮ່, ບັນດາໂຄງການໄຟຟ້ານຳ້ຕົກ, ແລະ ບັນດາໂຄງການກໍ່ສ້າງພື້ນຖານໂຄງລ່າງຂອງລັດຖະບານ |
